Mohnyin Ginwang Up Jau Lit Magam Hpe Tara Shang Galai Ap Ya Lai Wa 

Mohnyin ginwang up jau lit magam galai ap ya ai lam hpe ( April 23,2020) daini Wa Saradaw Francis Daw Tang kaw nna tara shang ap ya ai lamang galaw lai wa sai.

Mohnyin ginwang up jau lit magam hpe gun hpai nga ai Wa Jau Robert Hpau Yam La Wawm kaw nna ginwang up jau lit magam hpe galai gun hpai na rai nga ai Wa Jau Paul Khwi Shane Aung hpe Wa Saradaw Francis Daw Tang a man hta jau ginwang a hkyak ai  jahpan laika buk ni hpe ap ya let daini kaw nna tara shang lahpa galai ap ya sai lam tsun lai wa ai.

Wa Jau Robert Hpau Yam La Wawm gaw Mohnyin kaw nna Khamti Jau ginwang de ginwang up jau lit magam hpe htawt sit gun hpai sa wa na rai nna, Wa Jau Paul Khwi Shane Aung gaw Khamti kaw nna Mohnyin ginwanp up jau lit magam hpe htawt sit galai gun hpai na rai nga ai.

Wa Jau Robert Hpau La Wawm hpe chyeju dum shakram ai hte Wa Jau Paul Khwi Shane Aung hpe hkalum la ai lamang hta ya byin taw ai Covid-19 ana zinli a majaw nawku hpung masha ni shang lawm lu ai lam n nga ai sha,Mohyin Zone Tarahkaw sara ni a gawng malai,Mohnyin jau ginwang na Mung Bawng Hpung,Num Hpung,La Hpung hte Ramma ni a gawng hku nna sha lamang hta sa du shang lawm lai wa ma ai.

NEWS AND EVENTS