@@@    Jau e, Ngwi Pyaw Simsa ai Ja Mungdan Hta, Ban SaWa Nga Sanu Yaw   @@@

Wa Jau, Galaw Lai Wa Sai Lam Ni

- Lai wa sai ten hta, Tang Hpre Jau Giwang rai nga ai, A Lam hte Tang Hpre Jau Ginwang hkan na hpung masha ni, bai kaga Jau Ginwang Hkan na Hpung Masha ni hpe grai yu gawan katsan lai wa sai.

- Tang Hpre Mare, Mali Nmai Zup na, Simsa Lam A Nu Maria Lungpu hpe shi hkum nan n gun atsam dat let galaw shakut da lai wa sai. 

- ALam, Akyi Hpyi Wudang Bum de ya na zawn Mawdaw, Cycle ni hte lu lung hkra, lam kaba htu baw ai magam bungli ni hta shi hkum nan nhtu, shang-hkawp hpai shang lawm let, hpung masha ni hpe woi awn lit la lai wa sai. 

- Laili laika hpe grai myit lawm ai hte maren, grai manu dan ai Laikabuk ni hpe mung, ka shalat da lai wa sai rai nga ai. 

Kasi Yu La Mai Ai Lam 

- Wa Jau hpe e, malawng maga na Nawku Hpung Masha ni gaw, Jau La (Tsawm ra) ngu ai mying pyi jaw lai wa ma ai re. Dai mying hte maren sha, Wa Jau gaw, shi lu ai bu hpun palawng ni hpe san san seng seng rai hkam ja lam hte hkrak rai bu hpun sum raw nga chye ai sha n-ga, hkamja lam hpe grai sadi let hkan sa shatup chye ai Wa mung rai nga ai. Dai majaw, daini na asak aprat du hkra anhte hpung  masha ni hte arau sha nga lu ai rai nga ai.

- Wa Jau gaw, Hpung Masha ni hpe hkrum shaga ai aten ni hta mani sumsai hte tsun shaga chye ai, myit galu ai wa re. 

- Shi hte hkrum shaga ai masha shagu hpe prat a rawt jat galu kaba na lam hpe tsun shadum, n gun jaw la chye ai wa re. 

- Hkum n ngwi n pyaw, machyi makaw hkrum ai ten ni hta mung, aput apai tsun ai lam n nga ai sha, Madu Yesu a Wudang hkrun lam hpe myit dum let, hkawm sa lai wa sai. 

- Aten lu shagu, grau nna shana maga daw hkan rai jang, Nawku Jawng Wang kata lam hkawm let, Rosary Akyu Hpyi ai lam hpe ding yang galaw chye ai wa re. 

- Wa Jau gaw, matsan jam jau hkrum nga ai Bum Ga hkan na ma ni hpe mung, hpaji chye wa hkra grai lakawn la ai Jau rai nga ai. 

- Wa Jau hta e, anhte n lu myit shalawm ai, mai kaja lam ni hte galaw shakut lai wa sai lam ni law law mung naw nga nga ai. 

*** Wa Jau galaw lai wa sai lit magam ni hte mai kaja ai lam ni gaw, anhte hpung masha ni a myit kraw kata hta galoi mung ru jung taw nga na sai yaw... Wa Jau e..

Ndai Labau Kadun Hpe, Ngai Mama Rose Angeline Maran Nang Doi (SFX) kawn hkum nan mu lu ai hte na la lu ai lam ni hpe byin mai ai daram ka ka-hkyin dat ai lam re. Wa Jau a Shi galaw lai wa sai magam lam ni hte mai kaja ai lam ni hpe matut ka jat bang mayu ai lam ni nga yang mung, Comment kaw sa kahtap ka bang da ya marit ngu, Mama kawn hpyi lajin dat n ngai. 

#Rev_Fr_Paul_La_Sang_La

#RIP